حبيبي كل مافيني يذوب بملح همساتك

حبيبي كل مافيني يذوب بملح همساتك
حبيبي كل احاسيسي يعشقونك..يعشقونك


حبيبي طالبك تكفى ابيك بكل لذاتك
ابي جنبك مثل ظلك ولاابي شي من دونك


ابسهرفي وسط عينك وابشرب كاس نظراتك
وإلى منك بغيت النوم ابي انااااام بعيونك


وابي اصحى بكلمةياصباح الخيربشفاتك
وابي فنجال حبك والغلا تمده جفونك


وابي اهيم بك لامن نثرت عطوركلماتك
واعيش مقابلك دنيا ينورها قمر"لونك


ابي فنك وابي سحرك وابي جذاب بسماتك
حلاتك لاتخالط سحرك الجذاب بفنونك


ابسأل:وشكثرحبي؟ وابي منك اجاباتك
وابيك تجاوب بضحكه معاها هزةمتونك


عشقت الدمع بأحزانك عشقتك عند ضحكاتك
عشقت اهلك على شانك عشقت اللي يعرفونك



بروحاتك..وجياتك بجياتك..وروحاتك
اخاف الناس ياعمري يصيبونك يحسدونك


تعال واطلب الغالي تعال وهات رغباتك
فداك الي تبي آمراناصرت مجنونك


واذا ودك اوكدلك تعال وشف مساحاتك
بوسط الخافق اللي لك حلف لايمكن يخونك


لك الله صورتك بعيني تذكرني بجلساتك
تذكرني واقول:شلون اعيش اوقاتي بدونك


تراني لاتباطيتك احن لصوت نبراتك
عسى الله لايخليني بعيد واعطش دوم لمزونك



وعساني ماانحرم منك ولامن كل غمزاتك
لأن عيوني الثنتين يحبونك..يحبووونك

انا قلتها لك انفا التعبير بالفصحى اجل واعظم ولكن بللهجات الاخرى تكون اسهل
وفي المعنى يكمن الجمال
زوووووووووووءءءءءء